КАНОН СВЯТОМУ ИОАННУ ПРЕДТЕЧЕ
Глас 2-й
Песнь 1
Ирмос: Во глубине постла иногда фараонитское всевоинство преоруженная сила, воплощшееся же Слово всезлобный грех потребило есть: пренрославленный Господь, славно бо прославися.
Припев: Святый великий Иоанне Предтече Господень, моли Бога о нас.
Крестителю и Предтече Христов, погружаемый всегда сластьми телесными ум мои управи и волны страстеи укроти, яко да в тишине Божественнеи быв, песнословлю тя.
Припев: Святый великий Иоанне Предтече Господень, моли Бога о нас.
Недоуменным просветився просвещением, яко многосветлая звезда, мысленному Востоку предтекл еси, Имже озаритися сердцу моему, Крестителю, моли, омраченному всеми бесовскими приложении.
Слава: В реце бездну иногда, Всемудре, погрузил еси, потоп содевающую благодатию всего преступления. Но молюся, потоки, блаженне, моих прегрешении изсуши, Божественным ходатайством твоим.
И ныне: Чистыя Девы, Бога воплотившия, сродник был еси, блаженне Предтече, с Неюже тя чтим и молим, иже в Божественнеи храме твоем ныне живуще, храмы и нас сотвори Духа Святаго.
Песнь 3
Ирмос: На камени мя веры утвердив, разширил еси уста моя на враги моя, возвесели бо ся дух мои, внегда пети: несть свят, якоже Бог наш, и несть праведен паче Тебе, Господи.
Припев: Святый великий Иоанне Предтече Господень, моли Бога о нас.
Исцели струпы души моеи и ум мои, омраченный небрежением, озари Божественным твоим ходатайством, Господень Предтече, и всякаго избави мя сопротивнаго обстояния, молюся.
Припев: Святый великий Иоанне Предтече Господень, моли Бога о нас.
Неплодствие разрешил еси рождшия, родився Божиим промышлением, премудре пророче; неплодное убо сердце мое плодоносно ныне сод ел аи, Господень Предтече, ходатайством твоим, добродетелеи приносити прозябения.
Слава: Любовию твоею созидающаго Божественный дом, вышняго жития улучити моли: и иже верою храму твоему служащия, храмы Духа Божественнаго сотвори, Крестителю и Предтече, ходатаиствы твоими.
И ныне: Веселяшеся Предтеча, в ложеснах носим матерних, и покланяшеся Господу, носиму в ложеснах Твоих, Благодатная, Егоже моли от всякия скорби избавити мя.
Седален, глас 2
Благоутробия ради милости, Блаже, спасти Твое создание, Христе, пришел еси, преклонь небеса схождением Твоим. Темже страшное смотрение Твое, поюще, вопием Ти: мольбами Предтечи Твоего очищение грехов нодаждь нам, яко Един благоутробен.
Слава, и ныне: Богородичен
Предстательнице теплая Христианом, Сыну Твоему молися присно Богородице, всякого злодеиства и огорчения избавити нас борца и дати нам прощение, в нихже согрешихом, за милосердие щедрот, Твоими молитвами, Мати Дево.
Песнь 4
Ирмос: Пришел еси от Девы, не ходатаи, ни ангел, но Сам, Господи, воплощся и спасл еси всего мя человека. Тем зову Ти: слава силе Твоеи, Господи.
Припев: Святый великий Иоанне Предтече Господень, моли Бога о нас.
Преклоншему небеса и человеком беседовавшу, главу преклонил еси десницею твоею, пребогате; еюже мя соблюди, во смирении сохраняя сердце мое.
Припев: Святый великий Иоанне Предтече Господень, моли Бога о нас.
Пустыня тебе гражданина непроходная имяше, блаженне Предтече, темже вопию ти: пусту всякаго Божественнаго деяния бывшу душу мою, плодоносну сотвори.
Закон Божественный управляя, беззаконно заклан был еси. Темже молюся тебе: беззаконнующа мя всегда и прельщаема бесовскими прелыценми исправи.
Слава: Создав себе храм Владьще Царю, к Божественным селением ныне пришел еси, Предтече: яже получити моли, тебе пресвятыи дом Воздвигшаго.
И ныне: Призри на мя недугующаго, Всенепорочная, и разреши страсти моя лютыя и неудобоисцельныя, яко да величаю Тя, возвеличившую все человечество.
Песнь 5
Ирмос: Просвещение во тьме лежащих, спасение отчаянных, Христе Спасе мои, к Тебе утренюю, Царю мира, просвети мя сиянием Твоим: иного бо разве Тебе Бога не знаю.
Припев: Святый великий Иоанне Предтече Господень, моли Бога о нас.
В течениих Иорданских струю нетления, Предтече, крестив Христа, моли, истекания страстеи моих изсушити, и потоки сладостныя наследовати, и праведных красная радования.
Припев: Святый великий Иоанне Предтече Господень, моли Бога о нас.
Уже рыдаю, и содрогаюся страхом, и недоумением всегда содержимь есмь, помышляя моя соделанная и будущий суд ужасный: Благоутробне Господи, пощади мя Твоего Крестителя мольбами.
Припев: Святый великий Иоанне Предтече Господень, моли Бога о нас.
Законополагаяи людем спасение, Предтече, в раскаянии прегрешении бывшее, посреде закона и благодати стал еси. Сего ради молим тя, образми покаяния нас просвети.
Слава: Даждь ми время покаяния, унынно прешедшее все иждившему, Благодетелю, имея на сие молящаго Тя, Слове, Иоанна великаго, Предтечу и покаяния всемирнаго проповедника.
И ныне: Наветы и ловлении льстиваго умертвихся, Владычице Всенепорочная, оживи мя, яже рождшая Живот всех, Богородице, ипостасный, да Тя пою благочестно Всенепорочную.
Песнь 6
Ирмос: В бездне греховнеи валяяся, неизследную милосердия Твоего призываю бездну: от тли, Боже, мя возведи.
Припев: Святый великий Иоанне Предтече Господень, моли Бога о нас.
Глас Слова проповедавыи, всех гласы восприем, проси грехов прощение даровати верою поющим тя.
Припев: Святый великий Иоанне Предтече Господень, моли Бога о нас.
Сокрушение души моея исцели, и грехов бремя разреши, и паче надежды спаси мя молитвами твоими, 6л аженне Предтече.
Слава:Иисуса, Егоже рукою твоею крестил еси, Предтече, моли, руки греха избавити мя, взимающа к Нему руце присно, всеславне.
И ныне: Дреманием леностным одержимь есмь, сон греховный тяготит сердце мое: Твоим, Пречистая, бденным ходатайством, воздвигни и спаси мя.
Кондак, глас 3
Прежде неплоды днесь Христова Предтечу раждает, и тои есть исполнение всякаго пророчества: Егоже бо прорбцы проповедаша, на Сего во Иордане руку положив, явися Божия Слова пророк, проповедник, вкупе и Предтеча.
Икос
Восхвалим ныне Господня Предтечу, егоже священнику Елисавет роди из ложесн неплодных, но не без Семене: Христос бо един вместилище проиде непроходимо без семене. Иоанна неплоды роди, без мужа же сего не роди: Иисуса же, осенением Отца и Духа Божия, Дева роди Чистая. Но безсеменному явися от нешюдове пророк, проповедник, вкупе и Предтеча.
Песнь 7
Ирмос: Богопротивное веление беззаконнующаго мучителя высок пламень вознесло есть; Христос же простре богочестивым отроком росу духовную, сыи благословен и препрославлен.
Припев: Святый великий Иоанне Предтече Господень, моли Бога о нас.
Из корене секирою твоего покаяния исторг язвы страстнаго сердца моего, всади, Предтече, Божественное
безстрастие и страх чистеишии Божии, всякия злобы отчуждающий мя.
Припев: Святый великий Иоанне Предтече Господень, моли Бога о нас.
Во струях Иорданских яко крестил еси покрывающаго водами превыспренняя Господа, Того моли воду даровати Божественнаго умиления присно очима моима, славный Предтече.
Слава: Иже миру вземлющаго грех, Агнца Божия, Предтече, проповедав, Того моли от козлищ части явити мя чужда, и десным Его овцам и мене сочетати, славне.
И ныне: Неплодная утроба носяше Тя, Дево, во чреве носившую Слово воплощенно: Егоже Божественными взыгрании великии Предтеча, неплодныя всесвятыи плод, позна радуяся и поклонися.
Песнь 8
Ирмос: Пещь иногда огненная в Вавилоне деиства разделите, Божиим велением халдеи опаляющая, верныя же орошающая, поющия: благословите, вся дела Господня, Господа.
Припев: Святый великий Иоанне Предтече Господень, моли Бога о нас.
Даждь десницу мне, на земли лежащему, Предтече, иже десницу простер, омыл еси водами Несквернаго: и избави мя скверны телесныя, всего мя очищая покаянием, и спаси мя.
Припев: Святый великий Иоанне Предтече Господень, моли Бога о нас.
Имущи, душе, время покаятися, лености тяжчаишии сон оттряси и спешно побди, вопиющи Владыце твоему: Милосерде, ущедри мя, Крестителя Твоего мольбами.
Припев: Святый великий Иоанне Предтече Господень, моли Бога о нас.
Потоцы страстеи и воды злобы до души моеи внидоша: блаженне Предтече, потщися скоро изъята мя, иже речными струями измыл еси безстрастия тишаишую пучину.
Слава: Увы мне, многа зла сотворшему! увы мне, единому прогневавшему Бога Преблагаго! Крестителю Христов, помози ми, и подаждь прегрешении моих разрешение, и долгов моих отсечение ходатаиствы твоими.
И ныне: Вышняго Бога плотию рождшая, от гноя мя возстави страстеи, оскорбляющих мя: и л юте всего обнищавша, Божественными обогати, Пречистая, добродетельми, яко да воспою Тя спасаемь.
Песнь 9
Ирмос: Безначальна Родителя Сын, Бог и Господь, воплощен от Девы, нам явися, омраченная просветити, собрата расточенная, тем Всепетую Богородицу величаем.
Припев: Святый великий Иоанне Предтече Господень, моли Бога о нас.
Кала мя избави греховнаго, Господи, Безгрешне Едине и Многомилостиве, Крестителя мольбами, иже Тебе проповеда всему миру Агнца Божия, вземлющаго человеков грехи.
Припев: Святый великий Иоанне Предтече Господень, моли Бога о нас.
Яко шипок благовонен, яко благоуханный кипарис, яко неувядаемыи крин, яко миро честно имеяи тя, Господень Предтече, моих дел злосмрадия избавляюся молитвами твоими, притекая к покрову твоему.
Припев: Святый великий Иоанне Предтече Господень, моли Бога о нас.
Неплодствовати мя неплодными делы, всеблаженне, сотвори, добродетелеи благоплодие присно приносяща, чадо мя Господне творя, и причастника Божественному Царствию, и святых собору купножителя.
Слава: Нам любящим тя, любовию почитающим, и в Божественнем храме твоем ликующим, даждь с небесе разрешение лютых, Предтече Господень, и жития исправление, и прегрешении избавление.
И ныне: Носиму во утробе Богоматерни, вся носящему манием, поклонился еси, пророче: с Неюже моли смиреннеи спастися души моеи, во многая впадающеи по вся дни согрешения.
Молитва ко святому Иоанну Предтече
Крестителю Христов, проповедниче покаяния, кающагося не презри мене, но совокуплялся с вои небесными, молися ко Владыце за мене недостоинаго, унылаго, немощнаго и печальнаго, во многая беды впадшаго, утружденнаго бурными помыслы ума моего: аз бо есмь вертеп злых дел, отнюдь не имеяи конца греховному обычаю: пригвожден 6о есть ум мои земным вещем: что сотворю, не вем. И к кому прибегну, да спасена будет душа моя? токмо к тебе, святыи Иоанне, благодати тезоимените, яко тя пред Господем по Богородице вем болыпабыти рожденных всех, ибо ты сподобился еси коснутися верху Царя Христа, вземлющаго грехи мира, Агнца Божия: Егоже моли за грешную мою душу, да поне от ныне, в первыинадесять час, понесу тяготу благую и прииму мзду с последними. Еи, Крестителю Христов, честный Предтече, краинии пророче, первыи (во благодати) мучениче, постников и пустынников наставниче, чистоты учителю и ближнии друже Христов, тя молю, к тебе прибегаю: не отрини мене от твоего заступления, но возстави мя падшагося многими грехи; обнови душу мою покаянием, яко вторым крещением, понеже обоего начальник еси: крещением омываяи прародительный грех, покаянием же очищаяи коегождо дело скверно; очисти мя грехами оскверненнаго и понуди внити, аможе ничтоже скверно входит, во Царствие Небесное. Аминь.
